ما هيا خطوات انشاء شركه برمجه رسميه

السلام عليكم ورحمه الله وبركاته
ما هيا خطوات انشاء شركه برمجه رسميه في مصر
وكم تكلفه التراخيص من سجل تجاري وضريبي وخلافه
وهل يختلف المسمي عند الترخيص من شركه برمجه لشركه استضافه مواقع علي الانترنت

التعليقات

مبادر مشاريع - عبد الرؤوف صدوق

بالنسبة لمصر فلا ادري .. فلست من مصر
ولكن اظن تحتاج لمحامي يتابع لك هذه الامور .. فمثلا تستطيع ان تجد محامي وهو يعطيك المفيد ..
فانا مثلا عن تجربة حقيقية شخصية .. ذهبت لمحامي وسألته عن امور الشركات وتأسيسها والرخص وغيره .. فاطلع ملف كبير به انواع الشركات .. من الناحية القانونية والاستخدام .. اي شركات مساهمة محدودة .. او تضامن .. او فردية .. الخ .. وايضا من ناحية الاستخدام .. شركات خدمات عامة ، طبية ، بيع منتجات ، استيراد وتصدير ... شركات تقنية ، برمجية ... الخ
ثم اعطاني ورقة واخذ صورة بطاقتي الشخصية .. واعطيته اسماء الشركاء معي .. واعطيته نوع الشركة بما شرح لي
فسجل اسم الشركة وتوعها والخدمات التي تقدمها ... وقال لي ارجع بعد اسبوع ..
وبعد اسبوع اعطاني ورقة مسجلة من وزارة التجارة والاقتصاد بتسجيل اسم الشركة لي .. بالانجليزي والعربي
وقام المحامي بتجهيز ملف يحتوي على النظام الداخلي والعقد الاساسي .. واعمال الشركة .. ورأس مالها ... وقيمتها بالحصص ( اسهم مملوكة ) ... وكم كل شريك يملك .. وما يجب دفعه .. والهيكل الاداري .. الخ
وطلب مني لتجهيز هذه الامور .. ان يحضر الشركاء للموافقة والتوقيع كلهم .. ودفع المبلغ كاملا من الرسوم والاجراءات والتأسيس واتعاب المحامي .. بحدود 9000 ريال سعودي .. او 20 الف جنيه مصري تقريبا ...
ونوع الشركة كان مساهمة محدودة ... والله يوفقك ..
وارجو ان ساعدتك .. ولو كنت بمصر ساعدتك اكثر .. وارجو ان تجد ضالتك
1+

mohamed elkady - Mohamed Elkady

شكرا لردك
ان شاء الله سوف اذهب الي محامي علشان اشوف الاجراءات اللازمه

cairowebdesigner - Ezzat Mohamed

تابعوا الموضوع
(لتأسيس شركة فردية فقط بدون محام)
هنا
https://io.hsoub.com/entrepreneurship/18464-%D8%A7%D8%AC%D8%B1%D8%A7%D8%A1%D8%A7%D8%AA-%D8%AA%D8%A3%D8%B3%D9%8A%D8%B3-%D8%B4%D8%B1%D9%83%D8%A9-%D8%A8%D8%B1%D9%85%D8%AC%D9%8A%D8%A7%D8%AA-%D9%81%D9%89-%D9%85%D8%B5%D8%B1
اما من يريد تأسيس شركة ومعاه شريك
لازم يروح للمحامي علطول(لأنها لها اجراءات خاصة ولازم محام)

عبد الرحمن أحمد

لا أملك معلومات ولكن أردت تصحيح العنوان من حيث اللغة .
"ما هيا خطوات انشاء شركه برمجه رسميه " فيها أخطاء
والصحيح :
"ما هي خطوات إنشاء شركة برمجة رسمية"

mohamed elkady - Mohamed Elkady

شكرا علي التصحيح

cairowebdesigner - Ezzat Mohamed

اجراءات انشاء شركة برمجيات أو تصميم مواقع انترنت
أولاً : هتروح بعقد إيجار المكتب إلي الشهر العقارى في منطقتك عشان تعمل (إثبات تاريخ) وتكلفته حوالى 15جنية.
ثانياً : هتعمل السجل التجارى والبطاقة الضريبية
مباشــرة لو فى القاهرة الكبرى - هتروح وزارة الصناعة والتجارة اللى فى اول صلاح سالم
ومعاك صورة البطاقة الشخصية + صورة العقد اللى انت عملت عليه إثبات تاريخ - بتطلع اول دور عند قاعة الانشاء بتقول للراجل بتاع الامن
عايز اعمل منشئة فردية بيديك استمارة ورقم تملئ الاستمارة منشئة فردية الحد الأدنى لرأس المال 100 الف جنية (مائة الف جنية مصرى)
وبعد لما يجى رقمك بتدخل للموظف بعملك كل الاجراءات بس مافيش تصميم مواقع ( اسمها برضو برمجيات ) وهو الراجل بيديك ورقة تختار منها اى نشاط انت فى البرمجيات وبعدين بيقولك انزل اعمل ايداع فى البنك با 109 جنية وبعدين بتطلع للموظف تانى بتديلو الوصل بتاع الدفع وبعد كدة بتستنى حوالى ساعة كدة وتستلم السجل التجارى وتمشى وانت هناك بردة تقوم داخل على الضرائب وتقولهم عايز اعمل بطاقة ضريبة بردة بتملئ استمارة كدة وتيجى تستلم البطاقة تانى يوم وانت هناك بردة بتطلع الدور الثانى وتقولهم عايز اعمل مستخرج سجل تجارى ودة بتخدة بعديها باسعتين ياما لو عايز تمشى وتيجى تانى يوم مافيش مشكلة.
المهم انك لازم تقدم عقد ايجار المكتب اللى هتبقى فى الشركة فى خلال سنة من اصدار السجل والا بعد سنة بيسقط السجل اوتوماتيك .

بعد ما تستلم السجل والبطاقة تروح الغرفة التجارية اللى مقر النشاط تابع ليها تتطلع شهادة مزاولة مهنة (شركة برمجيات).

ثالثاً : تسجيل الدومين الرسمي
وذلك عشان تكسب ثقة العملاء وتثبت للناس انك شركة رسمية من خلال موقعك.
بالنسبة للدومين بتروح تحجزة من فى فرع تي اي داتا ويكون معاك السجل والبطاقة الضريبية ودة التكلفة( 2سنة ب600جنية علطول) بس خد بالك اسم الدومين هيطلع على اسم الشركة اللى فى السجل
مثال لو اسم الشركة (هوست) هيطلع الدومين بالشكل دة (name.com.eg)
فاخد بالك وانت بتأسس الشركة انه يكون على اسم الدومين
رابعاً : تحريات أمن الدولة (استعلام أمنى)
استعين بمحامى بعد فتح المكتب بإذن الله عشان يعملك الاستعلام الأمنى لأن دول ناس مش بتتفاهم (أمن دولة- مصنفات فنية) ممكن يجولك في أي وقت ويقفلوا المكتب لو معملتش الإجراء دة و دة أصعب شئ
وأفضلك تدارى علي مكتبك عشان محدش يجيلك المهم ان معاك سجل تجارى وبطاقة ضريبية عشان تعمل عقود للناس بالبرمجيات أو الشغل ضماناً لحقوقك وحقوقهم.
لكن حذارى من دخول الأمن الي مكتبك (هتخسر كل اجهزتك بالشخص الل قاعد عالجهاز ويتحبس).
خامساً : تحرير عقود للعاملين بالمكتب
أعمل عقود عمل ب250 جنية المرتب مثلا وحوافز تصل إلي (المبلغ الل بياخدو الأصلي) دة عشان الضرائب والاستعلام الأمنى...
سادساً : احتفظ بنسخ من البطايق والعقود للعاملين بالمكتب
سابعاً : يفضل تنزيل نسخ linux للبرمجة علي الاجهزة عشان المصنفات الفنية - أما المصممين بيحتاجوا adobe المجموعة تكلفتها عالية طبعاً.
وبالتوفيق...

mafrek

شكرا جزيلا ...
عندي سؤالين
ازاي حضرتك كاتب "أولاً : هتروح بعقد إيجار المكتب إلي الشهر العقارى في منطقتك عشان تعمل (إثبات تاريخ) وتكلفته حوالى 15جنية."
وبعد كده بتقول "المهم انك لازم تقدم عقد ايجار المكتب اللى هتبقى فى الشركة فى خلال سنة من اصدار السجل والا بعد سنة بيسقط السجل اوتوماتيك"
هو انا ممكن اعمل السجل و البطاقه بدون مايكون عندي مقر او مكتب عند الانشاء وبعد كده ممكن اسلمهم عقد الايجار خلال سنه من تاريخ انشاء السجل ؟ انا مش فاهم حاجه ارجو التوضيح
وكمان وانا بسجل العقد في الشهر العقاري لازم اخذ المالك معايا ؟
ثانيا :
بالنسبه للموافقه الامنيه . ازاي اداري على مكتبي ... هي الناس دي بيستخبه عنها حاجه مش انا كاتب عنوان المقر او المكتب في عقد الايجار يبقى ازاي اداري عليه ؟!
كمان المحامي ممكن يعمل ايه في الحاله دي , هو السجل والبطاقه ممكن يطلعو قبل الموافقه الامنيه ؟
آسف على كثره الاسئله

mafrek

بالنسبه لنقطه (إثبات تاريخ العقد) توصلت الى اجراءات اثبات التاريخ
كيف يتم إثبات تاريخ عقد الإيجار؟
1- يجب أن يوقع طرفى العقد على كل صفحة من صفحات عقد الإيجار والإ فلن يتم ختم العقد من الشهر العقارى.
2- يتم إثبات التاريخ بمكتب الشهر العقارى الكائن بدائرة العين المؤجرة.
3- يقوم الشخص الموقع على عقد الإيجار أو الوكيل (مقدماً عقد وكالة يثبت صفته) بكتابة طلب باسمه يطلب إثبات التاريخ (مقدمه لسيادتكم [فلان] لإثبات تاريخ [العقد الفلانى]).
4- يتم تقدير رسم إثبات التاريخ ودفع الرسوم. تقدر الرسوم بحوالى 3 جنيهات لكل صفحة من صفحات عقد الإيجار.
5- يودع العقد بالميكروفيلم.
6- وأخيرا يتم الاستلام فى الدورية الثانية فى نفس اليوم بعد ختم رئيس الشهر العقارى على العقد.
7- يتم تسليم العقد إما للشخص الموقع أو للوكيل (الذى يقدم عقد وكالة يثبت صفته).
--------------------------------------------------- تبقى باقي الاسئله سالفه الذكر تحتاج الى اجابه -------------------------------------
نرجو مشاركه تجربتك ... من لديه اي معلومه او تجربه لا يبخل بها.
اشكركم

cairowebdesigner - Ezzat Mohamed

تابعوا الموضوع
(لتأسيس شركة فردية فقط بدون محام)
هنا
https://io.hsoub.com/entrepreneurship/18464-اجراءات-تأسيس-شركة-برمجيات-فى-مصر
اما من يريد تأسيس شركة ومعاه شريك
لازم يروح للمحامي علطول(لأنها لها اجراءات خاصة ولازم محام)

cairowebdesigner - Ezzat Mohamed

	الموضوع و التعليقات و باقي البيانات في هذه الصفحة منقولة و معدلة من المصدر على الرابط التالي : https://io.hsoub.com/entrepreneurship/4781
	هذا الموضوع مرخص تحت : رخصة المشاع الإبداعي BY-SA

المشاركة :